Казан Глобаль яшьләр саммиты

27-30 август, 2022 ел.

Казан/Татарстан (Россия Федерациясе)

Татарстан Республикасы Яшьләр эшләре министрлыгы (Россия Федерациясе) һәм Ислам хезмәттәшлеге яшьләр форумы (ICYF), Яшьләр дипломатиясе академиясе һәм Татарстан Республикасының «Сәләт» яшьләр иҗтимагый фонды белән берлектә, «Казан - ИХОның Яшьләр башкаласы 2022» халыкара программасы кысаларында Казан Глобаль яшьләр саммитын оештыра. Саммит 2022 елның 27-30 августында Казан шәһәрендә узачак.

Саммит яшьләр сәясәте җитәкчеләрен, Халыкара оешмалар лидерларын, яшь лидерларны һәм экспертларны җәлеп итә. Саммитның максаты - алдынгы тәҗрибәне туплау һәм стратегик кызыксынган яклар арасында нәтиҗәле аралашу урнаштыру, ИХО регионында яшьләрнең ролен киңәйтү.

Саммитның көн тәртибендә:
Мәдәниятара диалогны үстерүдә яшьләрнең роле, аларның локаль һәм глобаль дәрәҗәдә әлеге юнәлешкә кушылулары. Саммитта түбәндәге темаларга игътибар бирелә:
1. Мөмкинлекләрнең бер дәрәҗәдә булуы
2. Эшмәкәрлек күнекмәләре
3. Психик сәламәтлек
4. Мәдәниятара диалог
5. Яшьләр миграциясе
6. Цифрлаштыру

Гаризалар 2022 елның 18 июленә (GMT +3) кадәр кабул ителә. Гаризагызны югарыда күрсәткән вакытка кадәр җибәрүегез сорала

ГАРИЗА БИРҮ

«Россия-ИХО» Халыкара яшьләр форумы – ИХО илләренең проект командаларын берләштерүче платформа. Форум социаль эшмәкәрлек, мәдәният, тотрыклы үсеш, мәгариф юнәлешләре буенча белем бирү программасын һәм милләтара проектлар булдыру өчен проект эшчәнлеген үз эченә алачак. Форум нәтиҗәләре буенча катнашучылар проектларын гамәлгә ашыру һәм үстерү мәсьәләләре буенча халыкара экспертлар белән питч-сессия узачак.

Гаризаны якын арада җибәреп булачак.

Киберспортта казанышлары булган төрле мәнфәгатьләрдәге яшьләрне җәлеп итүнең яңа форматы. Ярышларда катнашып, делегатлар командада эшләргә һәм максатчан булырга өйрәнәләр, тактик фикерләүне һәм карарлар кабул итү тизлеге, реакция, озак вакыт дәвамында бер үк эшне сыйфатлы итеп ашкару кебек мөһим күнекмәләрне үстерәләр.

Гаризаны якын арада җибәреп булачак.

Фестиваль Ислам дөньясы оешмасы илләре яшьләре арасында мәдәнятара һәм милләтара диалог өчен мәйданчык булдыруга, яшьләрнең иҗади һәм креатив потенциалын үстерүгә юнәлдерелгән. Фестиваль программасында хореография, вокал, арт, театр юнәлешләре буенча белем бирү модульләре каралган, шулай ук гала-концерт өчен милли үзенчәлекләрне исәпкә алып, уртак мәдәни номерлар куелачак.

Гаризаны якын арада җибәреп булачак.

Конгресс Ислам хезмәттәшлеге оешмасы илләренең яшь галимнәрен, тикшеренүчеләрен һәм экспертларын берләштерәчәк.
Конгресс кысаларында катнашучылар Ислам Хезмәттәшлеге Оешмасы илләре киңлегендә социаль-мәдәни, сәяси һәм икътисади процессларны фаразлау һәм аларны чишү юллары турында фикер алышачак.
Конгресс нәтиҗәләре буенча мәкаләләр җыентыгы әзерләнәчәк.

Гаризаны якын арада җибәреп булачак.

Елга нәтиҗәләр ясау, ИХО илләре һәм Россия регионнарыннан төрле номинацияләр буенча лидерларны бүләкләү.

Гаризаны якын арада җибәреп булачак.